Գագաթաժողովի մասին.

Երկօրյա գագաթաժողովը, որը կազմակերպվում է Միացյալ Թագավորության Արտաքին գործերի, Համագործակցության և զարգացման գրասենյակի աջակցությամբ, կանցկացվի Երևանում՝ 2026 թվականի մարտի 5-6-ին, DoubleTree by Hilton հյուրանոցում։ Երկու օրերին էլ մեկնարկը՝ ժամը 13:00-ին։

Միջոցառումը նախատեսված է Միացյալ Թագավորության, Միացյալ Նահանգների, Շվեդիայի, Հունգարիայի, Լատվիայի և Հայաստանի առաջատար մասնագետների փորձագիտական գիտելիքի և գործնական փորձի փոխանակմանը նպաստելու համար։ Նիստերը կանդրադառնան զսպման հայեցակարգին, վստահելի զսպող կարողություն ձևավորելու համար անհրաժեշտ վերափոխիչ քայլերին և ռազմավարական մտածողների նոր սերունդ ձևավորելու հրամայականին՝ նպատակ ունենալով ամրապնդել ազգային ինքնիշխանությունը և միաժամանակ ուժեղացնել իսկապես ժողովրդավարական ու դիմակայուն կառավարումը։

Գագաթաժողովը կքննարկի հետևյալ հիմնական թեմաները, ինչպես նաև ռազմավարական նշանակության հարակից ոլորտներին նվիրված լրացուցիչ նիստեր.

• Իշխանության փոփոխվող դինամիկան Արևմուտքում և դրա ազդեցությունը Հարավային Կովկասի վրա
• Ցուցադրական և վերափոխիչ արտաքին քաղաքականություն
• Ջուր, էներգիա, շրջակա միջավայր, կրիտիկական ենթակառուցվածքներ և մատակարարման շղթաներ. անվտանգային ռիսկեր և տնտեսական հետևանքներ
• Ապագայի մտքի առաջնորդներ. ազգային անվտանգության էկոհամակարգի վերափոխում
• Մտքի պաշտպանություն. սոցիալական ինժեներիայի դեմ պայքար և հոգեբանական դիմակայունության ձևավորում