Անվտանգային վերլուծությունների ինստիտուտը (ԱՎԻ) անկախ հետազոտական կենտրոն է, որը մշակում և առաջ է մղում նորարարական գաղափարներ՝ Հարավային Կովկասում և դրա սահմաններից դուրս առկա անվտանգային բարդ և փոփոխվող մարտահրավերների վերլուծության ու դրանց արդյունավետ լուծումների մշակման նպատակով։

ԱՎԻ-ը հիմնադրվել է 2020 թվականի Արցախյան պատերազմից հետո՝ որպես հարթակ, որը նպաստում է աշխարհաքաղաքական զարգացումների և անվտանգային միջավայրի խորքային ընկալմանը՝ ապահովելով մասնագիտական, անկախ և փաստահեն վերլուծություն Հայաստանի և տարածաշրջանի անվտանգության վերաբերյալ։

Արցախի կորստից հետո ձևավորված նոր անվտանգային իրողությունները պահանջում էին վերաիմաստավորել Հայաստանի դերն ու հնարավորությունները՝ ժողովրդավարական արժեքների պաշտպանության և տարածաշրջանային կայունության ամրապնդման համատեքստում։ Հենց այս գիտակցումն էլ դարձավ ԱՎԻ-ի ստեղծման հիմքը։ Ինստիտուտի գործունեության հիմքում ընկած է այն համոզմունքը, որ ռազմավարական մտածողությունը, բարձրակարգ փորձագիտական ներուժը և գիտելիքի վրա հիմնված հանրային քննարկումները կարող են նպաստել ավելի արդյունավետ անվտանգային քաղաքականության ձևավորմանը։

Այսօր ԱՎԻ-ը ձևավորում է մասնագիտական երկխոսության հարթակներ, իրականացնում է հետազոտություններ, զարգացնում երիտասարդ մասնագետների կարողությունները և հանրությանը տրամադրում ժամանակակից, հիմնավորված ու ազդեցիկ վերլուծություն՝ նպաստելով Հայաստանի և տարածաշրջանի անվտանգության վերաբերյալ տեղեկացված հանրային ու մասնագիտական քննարկումների զարգացմանը։